出爐視后胡定欣前晚宴請無綫劇《鬼同你OT》一眾台前幕後的工作人員食飯，劇中演員陳豪、楊秀惠及張名雅等均有出席，定欣表示本來與另一女主角田蕊妮夾錢，惟對方有工作在身未能出席，故決定先自掏腰包請客。問到預了多少錢？她說：「冇特別預，總之大家一定要食得開心！」遲到近一小時的陳豪被全場「噓」爆，他解釋因出門前撞正湊仔最忙的時間，令他與太太陳茵媺（Aimee）手忙腳亂，雖然家中已有兩名傭人，但兩公婆仍主張親力親為，故未打算再請家傭幫手：「呢個時間最尷尬，要幫佢哋沖涼、食飯、氹瞓覺。（第三胎點算？）多啲嚟密啲手。」被記者踢爆曾開工遲到的他又尷尬地說：「好忙！做爹哋嘅嘢唔到我控制啲時間，盡量揸緊啲啦！」

在台慶勇奪視后的定欣心情大靚，自掏腰包請客！

遲到的陳豪（右）趕及與大夥兒合照！