劉欣宜（E Cup Baby）雖已轉任空姐多年，但跟曾屬同一經理人公司的李蘊（Renee）友情不變，她昨日接受電話訪問時表示早悉Renee在內地結婚，卻打算待她回港擺酒時才到賀：「因為我都喺3月26日結婚，喺九展擺30幾圍，到時做埋註冊儀式。」問到Renee疑「雙喜臨門」懷孕，E Cup Baby似是默認：「我冇講呀！呢啲留番畀佢講啦，咁開心嘅事。」

劉欣宜與老公在台灣影婚照時大晒E Cup「胸」器。

E Cup Baby與音樂人陳子敏拍拖五年，兩人早前到台灣拍攝婚照，封胸已久的她再使出最強「胸」器，穿低胸婚紗時大晒4吋事業線，難怪老公一副自豪的樣子！她指結婚時不會更性感，因要尊重在場長輩，況且已被老公私有化。問到可會邀請圈中人？她說：「老公請咗張繼聰、謝安琪、黃又南同Mr.成員嘅Ronny，我就請李蘊，本來想去歐洲蜜月，但怕危險，依家諗住去日本兩個禮拜。」