千嬅做寶貝仔Fans

楊千嬅昨日出席親子跑步活動時表示平日會親自帶囝囝打波、上堂，丈夫丁子高則負責囝囝的戶外活動：「親子活動可以了解多啲，2015年好多工作、少了解，但囝囝好識性。見佢打到觔斗，我就會好似Fans咁拍手，個仔都會有自信。佢爹哋就帶佢行山跑步，我做媽咪都係Keep番個Fans樣，爹哋就Man啲。」她又指囝囝喜歡跳舞：「佢模仿爹哋之前VRF（丁子高前組合），模仿力好強，鍾意聽Big Bang、Hip-Hop。（減產？）做完唱片後會放假，過咗農曆新年後先再工作，今年接咗個電影Project，依家想照顧個仔先。（囝囝有冇投訴？）有少少忽略佢，囝囝已經識講好多嘢，好彩聖誕新年都陪到佢，做明星媽咪要好好平衡，身份有衝突，時間上要盡量協調。」