新片《葉問3》昨日衝破4,000萬票房，老闆黃百鳴聯同主演的張晉及譚耀文（阿譚）到旺角朗豪坊戲院向觀眾謝票，黃老闆在訪問時稱《葉》片在東南亞成績理想，更打破馬來西亞的華語片票房紀錄，不過張晉卻笑言未望公司分紅：「花紅呢個唔可以亂咁分嘅，傾嗰陣冇話依家好就分紅，我會要求派利是。」

張晉笑言唔望公司分紅，但會要求派利是。

《葉問3》票房報捷，老闆黃百鳴與張晉及譚耀文到戲院向觀眾謝票。

譚耀文擺甫士影相！

泰臣拳頭大我兩倍

雖然今次張晉能與甄子丹在片中共研「詠春正宗」，不過對未能與拳王泰臣合作而感遺憾：「佢拳頭大我兩倍，個頭又大我兩倍，不過佢拳頭真係好有威力，為呢套戲生色不少。」

對於《葉》片在內地未能與香港同期上畫，黃老闆稱是內地發行商意思：「最後可能佢哋都覺得唔想同呢啲大片對撼。」他又稱有意開拍第四集，惟製作需準備周詳：「唔超越都要保持咁嘅水準先得。」

譚耀文叫人打阿哥

而譚耀文因《葉》片成績理想而大感高興，更笑稱導演葉偉信因新片成績理想而「開心到唔想見人」兼密研下集的對手：「泰臣都打埋喇！仲有咩打呢？（打出太空？）唔知請唔請得起喎！我阿哥平啲！佢都係識詠春，希望打吓我阿哥！」自由身的他未來希望可參演歌舞劇：「喺把聲未沙晒之前唱吓。」