蔡瀚億（BabyJohn）經理人兼前亞視藝人黃美芬，前晚與星娛樂唱片公司總經理Tommy舉行婚宴，吳業坤、張智霖（Chilam）及太太袁詠儀、諸葛紫岐與老公薛嘉麟等都是座上客。拍完《愛．回家》即趕往到賀的坤坤大受歡迎，更獲老闆薛嘉麟父子、「老闆娘」諸葛紫岐相迎兼合照，新郎敬酒時笑言恍如坤坤的慶功宴，又戲稱要他幫手埋單。由於在台上「動L」被笑，坤坤指今次特意穿鬆身褲，亦會檢討衣着：「好尷尬！唔知自己表現咁突出！過咗今日希望大家Focus番音樂方面。（做咗人情？）帶人情同最喜愛男歌手嚟，拍完劇嚟遲咗，希望新人原諒！（新人同薛嘉麟夫婦主動邀合照搶風頭？）唔敢當！Tommy好錫我！（佢叫你幫手埋單。）嚇吓我啫，都多謝老闆薛生，難得有機會見！」

遲到的坤坤獲老闆薛嘉麟及諸葛紫岐親自相迎，相當有面子！

另外，Chilam與袁詠儀甫到場亦成集郵對象，Chilam又不停被讚靚仔，其後兩人匆匆閃人，問到送甚麼給一對新人，Chilam自言講求實際，放低利是。