組合少女標本、FFx、陳凱彤和陳詩欣等昨日出席《新城勁爆新登場歌手謝票活動》，少女標本依然三缺一出現，三人笑言除夕夜有四單活動，可以賺2015年最後一桶金。問到新一年大計，三人表示會分別在電視劇、網劇及電影上各自發展，而將到北京拍網劇的CoCo說：「我仲報咗中央戲劇學院課程，會讀一兩年，不過我都唔會掉低佢哋。」

少女標本三位成員表示除夕會跑四場，賺2015年最後一桶金。

同場的FFx則表示除夕晚會一齊在坪洲倒數，又稱下月會舉行演唱會：「今次我哋喺中環開喇！到時仲會分別表演四大天王嘅舞。」