莊思敏去年與友人合資開食肆有可觀盈利，最近她再斥資七位數字與友人合資在中環開分店。日前她到新店監督裝修進度，在店內與拍檔不時密斟又細閱店內的設計圖則，更親力親為掃地兼擔擔抬抬，相當落力。她在新店逗留約一小時才離開，只見她全程手機不離手，似是處理公司業務。期間路過一間名牌二手店時才走進「視察」一番，可惜空手而回。莊思敏的首間點心店開業後獲不少圈中人捧場，早前胡杏兒的婚宴亦採用其招牌「鮑魚」便當招待傳媒，莊思敏說：「其實我哋用贊助方式去提供食物，大家都好滿意，我哋都想盡點心意祝福一對新人新婚快樂。」問到是否有意在飲食界大展拳腳，她說：「好多嘢都係嘗試階段，不過現階段嚟講各方面都好順利，做生意梗係想賺錢，但食客嘅口碑都好重要！」

莊思敏與友人到店內監督裝修進度。

莊思敏連地都掃埋，做老闆娘都要一腳踢。