周麗淇（Niki）及已故歌神米高積遜（MJ）三哥杰明積遜（Jermaine Jackson）昨日出席探訪保良局活動，Niki表示能於2015年最後一日參與極具意義的活動而高興，並透露2016年將再到內地多個地區探訪：「我覺得唔可以成日掛住賺錢，要回饋番社會，我都有助養兩個內地小朋友，一仔一女，讀緊大學喇！由佢哋小學供養到大學！」留港倒數的她表示與朋友一起吃飯度過，並透露新年願望是身體健康及有更多時間陪家人，感情事則一切隨緣，又笑言害怕「相睇」：「我怕咁刻意，我覺得如果緣分要嚟擋都擋唔住，就好似撳錯門鐘就會嚟到你門口。」而杰明積遜則表示榮幸有機會為慈善創作一首歌曲來傳遞愛的訊息：「我會教全球小朋友一齊唱呢首歌！」問周麗淇早前到胡杏兒婚禮有否看見舊愛鄭嘉穎及打招呼，她說：「其實我同佢離好遠，隔幾張枱，有見到但冇特別打招呼，又唔係第一次見到！」

Niki講起相睇都怕怕，寧願默默等待緣分來臨。

Niki與杰明積遜手持氣球，與小朋友開心合照。