新婚的胡杏兒昨晚為倒數派對擔任嘉賓，婚後首次露面的她凡事以老公為先，她透露今次表演亦是能趕及與老公倒數才會接，其後他們還有悠長蜜月假期，更玩盡冰火兩地！文：名人組

婚後首次現身的胡杏兒大騷白滑玉背，立即成為全場焦點！

戴夢夢與男友Ricky拖到實趕入場。

羅穎怡絕對信任未婚夫，畀足100分！

林建名與女兒林煒珊力撐何傲兒非貪錢的人。

胡杏兒昨晚出席仁濟醫院除夕倒數派對，身穿大露背裙到場的她透露將獻唱兩首歌，問到是否不能與老公倒數迎新年，她說：「我唔使喺度倒數，唱完之後會同老公倒數。（依家接工作以老公為先？）起碼呢幾日係，上年除夕要工作，冇得同佢倒數，今年第一次，要陪佢！」至於是否還要在圍村擺酒？她說：「唔係擺酒，但會有啲儀式，做乜我都唔知，日子都係等佢哋通知。」她又表示婚後想過夫妻生活，還未有造人計劃：「生完小朋友就唔一樣，都要做吓嘢先！」她透露蜜月將去兩個多月：「都去幾多個地方，有凍有熱。（造人之旅？）如無意外唔會，仲未有計劃，不過唔會耐！」

羅穎怡信任林知譽

而明日結婚的羅穎怡（Wendy）單獨現身，她透露未來老公林知譽（Will)稍後到場會合一齊倒數，問到Will早前的緋聞，她說：「都唔關我事，你問番當事人，而且件事係發生喺同我拍拖前，我哋向前看！」她又給未來老公100分：「佢好多方面都好好，最好係大家有個信任，我哋識咗二十幾年，都清楚對方想做乜。」

林建名讚傲兒勤力

另外，林建名與子女林煒珊、林煒珽、林孝信及女伴到場，林煒珊透露剛從日本回港，問到何傲兒是否同行，她說：「佢有去。（當佢一家人？）吓，係朋友。（爹哋女友？）唔係，係公司嘅人。」問到何傲兒被前「男友」周子揚指何家苛索廿萬生活費，林建名說：「我唔理佢啲嘢。」問到何傲兒是否貪錢的人，林煒珊代答：「唔會，如果佢貪錢就唔需要做嘢打工，咁辛苦做咁多嘢。」林建名其後補充：「佢好勤力，一定會做嘢，好積極做嘢。（有冇問你借錢？）冇，我同佢老竇冇銀紙關係！」另外，戴夢夢與男友Ricky拖手到場，但表示趕入場而沒有做訪問。