粵劇名伶蓋鳴暉（Joyce）及吳美英昨日出席香港復康會活動，宣傳明年2月在新光戲院舉行的慈善粵劇《無情寶劍有情天》，為柏金遜病人籌款。她透露師傅林家聲生前患有此病，因此格外感同身受：「佢哋食藥後又未有藥力嗰段時間特別困難，全身鎖住，郁唔到咁，但其實呢類病人頭腦仲清醒，只係行動不便，所以要定期做運動，玩吓水袖當係拉筋訓練，感覺好溫馨，希望大家都多啲關心呢類長者！」問到目標善款是多少？Joyce笑指愈多愈好，又大讚Fans很乖，經常包場支持慈善騷。