賭王何鴻燊三房千金何超蓮，自從回復單身後即傳出有富二代男友，早前有指霍震霆兒子霍啟山追求，昨日二人更被拍得同遊廣州。對此超蓮透過公關鄭紹康回應表示，近期所有「追求者」都是新聞炒作，並非事實。三太助手亦為超蓮否認戀情：「超蓮成日都會上內地跟吓媽咪打理生意，何太喺廣州有個高爾夫球場，嗰日咁啱撞到，席間仲有其他同事，唔知點解淨係影到佢兩個？佢哋真係唔係拍拖，何太都話唔係，超蓮幾陰功，畀阿媽鬧到喊，佢覺得點解啲人成日要追住佢？搞到佢依家疑神疑鬼，唔敢出街。」而何家四房公子何猷君不久前爆出和新加坡二人女子組合成員Yumi分手，昨午他相約家姐何超盈及多名友人現身中環食Tea，期間發現記者，猷君即與超盈分頭行，並火速失去蹤影。當記者問到超盈聖誕如何過？她笑說：「乜你哋唔係追我細佬咩？」

超蓮否認被霍啟山追求。

猷君約家姐超盈食Tea。

猷君

此外，楊千嬅昨日帶同囝囝現身中環，臨上車前巧遇名媛趙曾學韞，兩人於街邊拍照。而謝霆鋒昨午相約生意拍檔兼好友楊鼎立亦於中環出巡，Chok爆的霆鋒行去咖啡店和老友各自買咖啡，隨即往雪茄店，兩人沿途傾不停，似有滿腹大計。另一邊廂，王祖藍宣傳代言的內地手機App，每周都會拍模仿短片，有一集他扮霆鋒拍《12道鋒味》，Chok爆教「如何烹調小鮮肉」，網友讚他模仿得很認真！