有份演出電影《葉問3》的譚耀文昨日與電影公司老闆黃百鳴到電台宣傳，談及戲中被前拳王泰臣打到飛起，可有受傷？阿譚笑說：「我個心傷咗，係嚇到傷咗，我企圖喺埋位前諗住用少少美金收賣人，搵替身幫我頂咗佢！但可以捱到泰臣幾拳都係榮幸。」

張晉偕太太蔡少芬與陳法蓉和韓馬利等拉大隊入戲院睇《葉問3》。

黃百嗚（左）與 譚耀文

黃百鳴稱有信心香港票房有5千萬，而下月8日會舉行慶功宴。而另一位有份演出《葉問3》的張晉，昨午與太太蔡少芬（Ada）、陳法蓉一行九人睇《葉3》，Ada說：「我哋自己買飛支持。」

身在上海的甄子丹則為另一套電影《星球大戰：原力覺醒》宣傳，太太汪詩詩將甄氏一家與導演JJ阿伯拉罕、演員黛絲烈尼及約翰保也加的合照放上網。