陳靜（DaDa）本月中自爆有台灣男友，並事先張揚齊度聖誕，豈料剛過聖誕數天，她突然在微博留言：「一個人的快樂是一門藝術。」　又在微信圈留言：「沒有甚麼突然之間結束的，結束都有着漫長壓抑的伏筆。」暗示感情現暗湧。據知DaDa聖誕節在港與朋友開派對，未有人肉速遞到台灣，有指她向朋友承認這段發展僅數月的感情已結束。

昨日DaDa接受本報電話訪問時大方認分手，笑言最致命的原因是不懂拍拖：「我可能好耐冇拍過，所以唔識拍！主要係大家之前花咗成年時間了解先去發展感情，可能因認識了解太深，所以拍拖時冇火花。另一個原因係我同佢都係家庭觀念好重，尤其節日都會同自己屋企人一齊，始終大家都係相隔兩地。」她承認聖誕節與朋友共度：「我仲同一對情侶一齊去嘉年華玩，做埋電燈膽，哈！畀番啲火花佢哋！」

DaDa強調和平分手，不可能復合：「做番朋友仲好，分手反而令我放鬆，我不嬲唔會糾纏。我都想下一段感情有激情，最好一見鍾情，起碼有美麗嘅回憶。」