曾因和何超雲拍拖而與契姐伍詠薇（伍姑娘）傳「割席」的陳山聰，前晚出席胡杏兒的婚宴時，與伍姑娘同場，他昨日表示過去兩人只是誤會，席上有跟對方打招呼：「同阿怡（楊怡）、陳敏之傾咗陣偈，好耐冇見伍姑娘，我哋都冇尷尬。（好番？）從來都冇唔好過，所有嘢都隨時間過咗去，大家都有話約食飯。」他又爆一眾「胡說八道會」姊妹不肯搶花球，最後杏兒有心地送給家姐，並稱已向楊怡、胡定欣、袁偉豪催婚。有傳楊怡與羅仲謙三月結婚，山聰說：「唔知喎！我未收到風，但阿怡話結嘅都走唔到我嗰份。」那麼何時到他？他笑說：「真係要等吓，我都想，但都未搵到（女友），明年都40歲喇，依家拚命工作先，再等上天安排啦！」