吳業坤有錢畀晒龔嘉欣

龔嘉欣昨日偕邵美琪（Maggie）及黃德斌等出席無綫劇《刀下留人》宣傳活動，最近與吳業坤緋聞鬧得沸騰的嘉欣，自爆有意投資日本餐廳，亦有預埋「細佬」吳業坤夾份，又稱大半年前兩人更打算開果汁店！不怕講錢傷感情嗎？她說：「唔緊要，一家人冇計，我有講過夾份做生意會嗌交，佢話：『我唔理喇！畀晒啲錢你管晒就得！』」問到會否考慮吳業坤時，嘉欣表示要睇性格和感覺，但吳業坤只有親人感覺。提到好友姚子羚自爆下月結婚，她笑言對方純粹開玩笑：「希望佢快啲結婚，到時會打隻龍鳳鈪畀佢。（冇咁快？）我哋都比較爽，可能突然做啲比較刺激嘅嘢，閃婚都唔出奇。」 Maggie則表示獲《刀》劇帶挈，有導演邀拍電影，稍後又會參演內地劇。