38歲索爆人妻謝安琪一向有前有後，惟日前她出席活動時明顯發福暴肥，即傳出懷第二胎的喜訊！近日Kay無論Po相抑或出活動都一概遮肚，令有孕之說更言之鑿鑿！有傳她將在後晚《叱咤樂壇流行榜頒獎典禮》奪最少1.5個獎，更會趁機於台上親口報喜！正舉行世巡的她在完成4月的香港站演唱會後亦會停工十個月，估計是待產兼休養！

Kay在日前的「新城勁爆」上脹爆現身，令有孕傳聞更惹人議論！

Kay身材好眾所周知，睇吓平時幾Slim！

張繼聰密密接Job，剛於美國登台，睇嚟「奶粉錢」唔易賺！

Kay早前與麥浚龍出席「叱咤」記者會時，亦是鬆身衣打扮！

現年38歲的「榮譽女神」謝安琪（Kay）日前出席《新城勁爆頒獎禮》時穿低胸花裙顯得又肥又腫，即傳出有孕消息！當晚Kay連奪4獎成女大贏家，更在台上感觸落淚，她現身慶功宴時解釋暴脹皆因大病初愈，是藥物副作用導致水腫。但有指Kay疑因腹中胎兒未夠3個月怕小器，傳考慮將擇「吉日」於後晚舉行的「叱咤」公布喜訊，有傳她會憑《香女人》及與麥浚龍合唱的熱爆歌曲《羅生門》合共奪得1.5個歌曲獎，更會與何韻詩爭奪現場投票的「我最喜愛的女歌手」獎項，亦有指Kay見今年成績不俗，欲於上台攞獎之時趁機報喜！

擬4月停工安胎

Kay正忙於舉行世界巡迴演唱會，有消息指製作方聲稱為配合香港市場，將在4月香港站完成後更改Rundown，並指Kay暫時未落實接離港騷，將主力製作國語大碟，望於明年底推出。不過有消息透露，Kay在完成4月的香港站後將停工十個月，待生B大計完成再重出江湖！近期見Kay為「安胎」而減少出席公開活動，只在頒獎禮才見其蹤影，雖然她解釋原因是聲帶受傷，但她在社交網Po的近照都頻頻以傘形長裙及鬆身衫等「孕婦Look」示人，孕味極濃，令懷第二胎之說更惹猜疑！

「仔女冇所謂！」

記者致電Kay求證未果，其老公張繼聰則解釋老婆因生病而關掉手機，又表示剛與王菀之在美國登台後回港，更對「第二胎」傳聞答得模棱兩可：「嚟緊都好多工作，1月會拍無綫劇，又接咗廣告。（咁努力搵錢？）唔係錢嘅問題，我想磨練演技，覺得自己仲未得。（老婆有咗？）未係住！我Ready咗好耐，仔女都冇所謂！（老婆呢？）佢4月有演唱會，如果佢有咗我會擔心！（未夠3個月唔講得？）總之今日未有住，如果講得，我第一時間通知你！全香港人都畀緊壓力我。」

再過兩年便40歲的Kay與老公張繼聰育有8歲兒子張瞻，她曾明言不怕做高齡產婦：「生BB睇緣分，我一向狀態唔錯。」而張繼聰亦公開表示想與Kay追個女，跟大仔張瞻湊成一個「好」字，看來「好」事成雙不遠了！

採：音樂組

文：專案組