年僅19歲的模特兒麥紫莉（Chili）擁有勁爆G Cup上圍，無敵身材令她在網上廣納Fans，但原來有苦自己知，Chili慨嘆巨胸負擔太大又曾被非禮，令她深感困擾，想過縮胸。文：立影 攝：張福宏

年僅19歲的Chili擁有G Cup上圍，可惜巨胸令她有所負擔。

Chili自爆搭港鐵時曾遭人非禮。

Chili認為C Cup上圍已夠用。

模特兒麥紫莉擁有G Cup「巨無霸身材」，有「豐滿版桂綸鎂」之稱，年僅19歲的她個性活潑開朗，曾為《東網》體育版擔任「吹波女神」及「馬場Boss秘書」，憑最強Body和傻更更形象深得宅男歡迎！

全靠遺傳

早熟的Chili於中二時已有現時的高度，她表示全靠遺傳，沒有特別「升Cup」妙法，雖然被姊妹羨慕，但她慨嘆巨胸令她感困擾，造成生活不便，又曾被非禮：「試過有男人由頭望到我落腳，兜個圈返嚟再望，仲講啲難聽嘅說話，亦試過搭地鐵畀人撞胸，但我分唔到佢哋有冇心！其實上圍係幾大困擾，咁重磅做運動都辛苦，買衫又難，着連身裙好似短一截，我平時打扮唔會性感，試過件背心上面有貓樣圖案，心口位嘅貓眼變得特別突出，好古怪咁。」

C Cup夠用

Chili想過縮胸，認為C Cup上圍已夠用：「讀書嗰陣無論幾熱都着冷衫，流晒汗都唔除，之前冇諗過會去到呢個程度，要諗吓縮胸呢個問題。」

除了上圍搶眼，她亦希望大家欣賞她身體其他部位：「通常胸大等於肥，我有少少肥，好彩仲有腰，一、兩年前更加得21、22吋，最近肥咗，但仲Keep到24吋腰。」

Profile

姓名：麥紫莉（Chili）

年齡：19歲

身高：1米75

三圍：34G、24、36

簡歷：新進模特兒，曾為《東網》擔任「吹波女神」及「馬場Boss秘書」，憑勁爆身材成為網上人氣王。