達利國際創辦人林富華長子林知譽（Will）下月二日與羅氏針織後人羅穎怡（Wendy）結婚，昨日Will出席聖誕聚餐時坦言，因婚期逼近而心情緊張，現忙於籌備婚禮細節：「主要係Wendy負責搞。（你負責咩？）我聽佢講，佢叫我做乜就做乜。（有冇為婚禮減肥？）有，我減咗七磅。」

林知譽出席聖誕聚餐時透露，因婚期逼近而心情緊張。

另外，Will曾與林芊妤（Coffee）發生「Gathering」事件，問到會否因而影響他面對傳媒，他說：「件事發生咗好耐，最重要係之後做得更好。（會唔會請Coffee去飲？）大家冇聯絡好耐，我睇新聞，佢有祝福我，多謝佢。（希望佢都快結婚？）最重要大家開心，係佢嘅決定唔係我。（擔唔擔心佢喺你結婚嗰日贈興？）唔會。」