何韻詩前晚舉行《HOCC REIMAGINE LIVE IN Macpherson Woods》演唱會，為配合主題將舞台布置成叢林，一身露營Look的阿詩不時穿梭歌迷堆，又與樂手圍在台中「營火」，可惜火太猛要工作人員淋水撲熄。阿詩透露有意明年孭背囊流浪：「希望出外吸收吓，之後帶更好嘅自己同你哋一齊行落去。」

何韻詩前晚開騷時透露，有意明年孭背囊獨自流浪。

阿詩受訪時大方承認「女友」鄧九雲有捧場，並表示過去一年冇停過，是時候出走「叉電」：「未試過一個人去未去過嘅地方。（掟低『女友』孤伶伶？）唔關事，係兩樣嘢。」又透露曾與個唱監製提及出家：「依家走向靈性，三年前學氣功，睇嘢角度連EQ好咗，同監製傾偈都話可能遲啲會出家，看破紅塵。」