方力申與鄧麗欣（Stephy）今個聖誕節到內地出席為電影謝票活動，兩人寓工作於拍拖，但聖誕夜兩人加插上演一幕困（車立）記，雖然有男友陪伴身邊，但Stephy被漆黑一片氣氛嚇到眼濕濕，小方即率眾唱聖誕歌氹番女友笑。Stephy又在電台錄音訪問中表示小方給她第一個印象是「輕佻」，但相處了解後，大讚小方是少見的乖仔：「佢係嗰種一講大話，我就可以識穿嘅人。」雖然小方傳過不少緋聞，但Stephy說：「佢係信得過，我好了解佢，佢唔會有膽量做呢啲行為，唔係因為我，係佢都要顧及形象。」雖然已屆適婚年齡，但她對結婚抱隨緣態度。