泳兒昨晚包到冚亮相頒獎禮，勇奪3個大獎的她提及因爆血管而留醫ICU的母親再度爆喊，她說：「冇諗住會落淚，因為好多嘢個天係冥冥中注定要去經歷。作為一個平凡人，我可以堅強面對。」她又感謝唱片公司同事的幫忙：「喺呢段期間所有同事用盡佢哋嘅方法幫我，工作上多謝大家體諒。」捧3個獎的她坦言很高興：「係入行最豐收嘅一年，多謝爸爸、媽咪，依家唯一可以做嘅嘢係每日畀支持屋企人，未來係一段漫長嘅路，我已經諗好要堅強、積極面對，痛心係一定。有一日當媽咪醒番，睇到我工作上有好成績，相信佢會覺得好安慰！」