組合Super Girls（SG）昨日現身《第13屆香港冬季購物節》，五女自爆平安夜和聖誕都冇人約：「人哋以為我哋聖誕唔會冇嘢做，但其實我哋個個都返屋企，頭先我哋喺車度都話其實我哋Super Girls都幾Dry喎！我哋係Super Dry Girls。」成員Yanny又笑指可能公司一直為她們篩走有機會識男仔的活動：「我覺得係公司搞鬼，佢哋知道有啲活動會識到男仔，所以就幫我哋推晒佢，想我哋可以專注工作，我哋要同公司講番就算拍拖都會專注事業。」另外，問到餘下三個頒獎禮可會性感出席？她們說：「有料就着啦！」

Jessica跳得相當投入，裙襬飛起相當性感！

SG出席活動時又唱又跳，與台下觀眾共度佳節。

Aka大擺甫士任影，冧暈一眾粉絲！