任職商台達44年的俞琤，昨日平安夜宣布辭任商台副主席及董事職位，下月一日生效，但原來俞琤放棄高薪厚職的決定一早有迹可尋！2012年本報在巴黎拍到俞琤及「百億富婆」何超瓊拖手蜜遊斷正後，何超瓊更曾公開指俞琤是她的「難得知己」。如今俞琤辭職，有「金井」照住，認真定過抬油！

早前到灣仔和俞琤撐枱腳的何超瓊，豪邁地腿擘擘蹺腳食包，而俞琤則專注聽對方邊食邊講。

自從遊巴黎並世紀一拖後，俞琤和何超瓊經常出雙入對，不時有消息傳出有意離開商台的俞琤，實行同何超瓊「同撈同煲」，不用「啃硬飯」！近年傳媒經常發現俞琤貼身服侍何超瓊，包括買傢俬、睇戲食飯、往超市買餸、充當司機管接管送，商台業務已甚少理會，可見俞琤一早已鋪定後路。