最新一期《好報》披露「摸頂」藝人慘變「樓蟹」實錄，但圈中多位「愛妻號」無懼樓市下滑，掃貨贈愛妻！豪擲4千多萬買樓的陳浩民更表示，這是送給太太蔣麗莎為他誕第四胎的聖誕禮物！ 採：影視組　文：專案組

陳浩民為氹大肚老婆，豪擲4千多萬買入紅磡維港‧星岸雙連單位。

今期《好報》盤點藝人「蟹貨」。

「愛妻號」王祖藍出名錫老婆，曾以1.14億「癲價」買樓冧李亞男。

最新一期《好報》披露不少紅星隨時變「樓蟹」，但不少「愛妻號」仍入市。當中以四年抱四的陳浩民最具心思，今年7月豪擲4,505萬元，購入紅磡維港‧星岸2,160呎雙連單位，作為送給老婆蔣麗莎和仔女的禮物。他近年轉戰內地吸金，據知今年已賺逾千萬人仔！他昨日受訪時表示即使樓價跌也不怕：「呢份係送畀太太嘅聖誕禮物，而且都係自住，跌唔跌都唔使驚！我就快有第四個小朋友，香港要搵多房嘅新樓勁難，所以我買雙連單位。」問到裝修是否老婆話事？他說：「梗係！」

王祖藍1.14億贈亞男

另一位「愛妻號」王祖藍，今年8月以1.14億「摸頂價」購入大埔逸瓏灣8座頂層2,809呎連平台天池屋，創該屋苑最高「癲價」。問會否擔心變樓蟹？他接受本報訪問時說：「自住冇所謂！（買貴樓？）蝕都係蝕老婆啫，因為間屋係李亞男個名！」至於同樣出名錫老婆的麥長青（麥包），今年9月以427萬元買入紅磡環海‧東岸310呎一房單位給老婆收租，本月又以800萬買入18,000呎的荃灣工廈，他說：「我拍拖時曾應承老婆買樓畀佢。」

Coffee為供樓勁慳家

另外，有藝人因摸頂買磚頭而帳面唔見一大截，張栢芝於2011年購入的中半山世紀大廈頂層特色戶，如今市值已跌至1.1億，帳面唔見1,800萬。而陳豪於2013年以3,368萬購入的大埔比華利山雙號屋，如今市值跌至2,500萬。

另外，近日與家人合資800萬買入將軍澳緻藍天一個四房單位的林芊妤（Coffee）表示，日後的生活要更節儉：「冇咩必要都唔會出入高級餐廳，就算去旅行都會揀東南亞，最緊要搶到廉航機票。」