黃日華女兒黃芷晴昨日出席大埔超級城《聖誕馬戲夢幻城堡》活動,問到昨日平安夜如何與拍拖三年的圈外男友慶祝?她透露四個月前已分手:「兩個人相處問題,今年多拗撬。(有第三者?)唔係。(和平分手?)係,之前舞台劇佢都有送花籃畀我。」問到家人有否過問感情事?她說:「有問我係咪諗清楚,阿媽叫我識新朋友,驚我寂寞。」問到擇偶條件,她笑說:「有人要就夠!好多朋友都結婚喇!(急?)朋友笑我平時做嘢着得多婚紗,知道自己啱咩Style,但就未到我!」

芷晴與趙頌茹歡迎聖誕!

芷晴原來已甩拖,要過Lonely Christmas。

同場的趙頌茹表示早前送了巨型公仔給兩個女兒作聖誕禮物,她們每晚攬住新寵睡覺,笑言變了五「人」同睡一床:「經過今次以後,唔會再買咁大隻公仔畀佢哋!」