「晶女郎」文凱玲（Connie）早前為主演電影《鴨王2-雞同鴨戀》節食狂操，練得一身Fit爆身材！聖誕節普天同慶，美食當前，她當然不介意放肆一下，日前便到有份投資的韓式餐廳勁擦聖誕大餐，她笑說：「呢排養成做運動嘅習慣，每星期起碼做兩、三次Gym同跑步，聖誕節就畀我放縱吓食多啲啦！相信好快就Keep得番！（聖誕鍾意食咩？）我唔係太應節，近年聖誕多數同朋友打邊爐，方便嘛！而且大家都唔叻煮嘢食。」

文凱玲趁聖誕大開「食」戒，可惜冇男友一齊撐枱腳！

已單身一段日子的Connie坦言很Dry，可惜今年依然冇眉目：「年年大時大節都問我呢個問題，勁傷感！不過今年同閨蜜去歐洲旅行，係另一種開心！之前太忙約唔到朋友，所以要更加珍惜。」曾任空姐的Connie去過多個地方，但仍很享受趁聖誕出埠，最難忘是數年前與當時的男友共度白色聖誕，倒數前一刻卻失散，至最後一刻才重遇，令她感受到失而復得的寶貴！

場地：HANJAN

髮型：Tin Ngai@Headwork Hair Corner