何傲兒（Lily）與周子揚拍拖逾一年，直至9月正式分手，男方昨日突然大爆分手內幕，指Lily家姐何傲芝（Gigi），代何家向他苛索每月十至廿萬元生活費，否則強行要他與Lily斷絕交往，之後又要求給予廿多萬元解決稅務問題！

周子揚自爆遭何家「棒打鴛鴦」，更要每月交十多萬生活費！

何傲兒表示已委託律師跟進。

問到前後共給予何家多少錢？他迴避說：「唔關呢個問題事，Gigi自己有男朋友，佢冇問對方攞，但要求我畀每月十至廿萬生活費，點解唔畀錢就唔可以一齊？呢個唔係小數目，講緊每月畀錢，如果開始就停唔到，咁樣建立感情係唔健康。」

家姐傲芝代開口

周子揚又指從未正式與何父見面食飯，跟Lily也未發展到談婚論嫁階段，問到何父是否不滿他？他說：「佢Daddy同Gigi有打過畀我，警告我唔好再同Lily一齊。」

周子揚家境尚算不俗，但他稱感情事不想影響家人：「我諗過努力搵錢或做借貸幫佢，但同家人商量後覺得事態有啲奇怪，唔清楚Gigi問我攞錢背後嘅最大原因，所以拒絕咗。（唔關何父同Lily事？）應該係佢哋全家意思，Gigi代表問我。」

問到會否覺得Lily為了錢跟他拍拖？他力撐：「唔係，佢係好女仔，佢家人畀壓力太大，我努力過想試吓幫佢，但唔係一兩日可以解決到。」他直言有心無力，此事令他壓力大到就抑鬱，問到有冇機會復合？他說：「應該比較難，他們家太複雜，我應付不了。」對此Lily說：「對於不確的報道非常關注同唔開心，事件已委託律師跟進，並會以法律追究。」