甄子丹昨日出席新片慈善場活動，憑靈活舞技逗得一班長者開心大笑，場面熱鬧愉快！近期忙於為新片宣傳的他，連「冬至」都要在台灣度過，不過出名愛家的子丹，完成工作會第一時間回港陪家人。

子丹表示冬至要飛台灣宣傳，惟有聖誕節與家人共度補數。

子丹、黃百鳴與觀眾齊齊睇戲，場面熱鬧。

譚耀文（左起）、張晉、甄子丹、吳千語及陳國坤齊出席《葉問3》慈善放映場。

子丹與長者大跳Cha Cha，十分開心。

甄子丹、張晉、譚耀文及吳千語等昨日在香港出席電影《葉問3》慈善放映場，活動上，子丹憑高超舞技與長者大跳Cha Cha，逗得一班長者開心不已！身為該片監製的黃百鳴被問到開拍《葉問4》的問題，他說：「希望今次唔使再等咁耐先開，坊間亦唔再有咁多《葉問》出現啦！」

代入角色有共鳴

當問到子丹會否再接演時？他則大賣關子，只笑說：「咁要睇整體配合同劇本喎！」至於會否向有傳將結婚的熊黛林度期開工，子丹說：「佢個角色死咗喇喎！」

片中，子丹為太太熊黛林病逝而大感難過，他不諱言：「演員要將自身經歷透過角色演繹出嚟，我平時亦好忙疏忽家人，愈拍愈有共鳴。（想留多啲時間陪屋企人？）都係，不過冬至又要飛台灣宣傳，老闆（黃百鳴）先有得做冬！」不過，一向疼錫家人的子丹，完成工作後便會趕返香港，跟太太及子女歡度聖誕節。

另外，《葉問3》將於本月24日在港上映，內地暫未有上映日期，問到兩地不同步會否擔心影響內地票房？子丹說：「我做演員，會盡自己所能拍好部電影，票房嘅嘢就睇老闆，我會尊重投資者嘅決定。（擔心電影會受盜版影響？）講明盜版，大家當然不會以身試法。」

文：影視組