葉家寶早前已辭去亞視執董職務，據知他於月中辭去高級副總裁一職，可能最快本月底前離職。他昨晚與朱慧珊、張家瑩、蔡國威及劉錫賢等食飯慶祝亞視欠薪官司告一段落。

朱慧珊出席慶祝晚宴時大讚葉家寶有才能。

葉家寶相約一眾好友慶祝欠薪官司告一段落。

亞視執行董事葉家寶最近因公司再拖糧而宣布辭去執董一職，據知他更於月中辭去高級副總裁職位，扣除假期，可能最快本月底前離職。據悉，家寶的朋友為他穿針引線，不少香港及內地的大公司也有意聘用。

慶祝官司結束

昨晚葉家寶相約好友朱慧珊、張家瑩、蔡國威、劉錫賢及趙汝強等慶祝官司告一段落，葉家寶說：「官司完咗，所以請朋友、同事嚟食飯。（亞視做到幾時？）我好多假，要等公司審批，都想公司運作順利。（唔捨得？）當然。（有乜打算？）未有，休息吓去吓旅行探親，又有地方住、又有人請食飯，去做吓皇帝好好享受吓。」

朱慧珊外面見

問到朱慧珊會否捨不得家寶離亞視？她說：「我都離開咗，我哋喺外面都有見。（覺得佢退休定繼續做好？）佢好有才能繼續做好呀！等佢自己考慮。」家寶將離開亞視？張家瑩卻說：「唔知，要問吓佢。（係咪唔應該退休？）唔應該，佢仲咁後生，有其他工作可以繼續做，同埋佢忙碌咗咁多年，停落嚟反而唔習慣，呢行都需要佢呢啲人才。」同場的劉錫賢也不清楚家寶與亞視的合約，希望他將來有一番新作為。

採：影視組