成為《勁歌》女大贏家的天后容祖兒，去年因工作缺席《新城勁爆頒獎禮》，有傳令新城不滿，她前晚透露今年亦因工作關係未能出席，但已預先為新城錄片。新城知訊台台長朱明銳坦言有少少失望：「同英皇去年嘅少少誤會，今年已經解開咗，係好開心，但有時都冇辦法，明白依家歌手以商業搵錢為先，尊重佢哋商業決定，但話冇失望一定係假嘅！」新城頒獎禮政策與無綫一樣，堅持「唔到冇獎」，惟他知道祖兒是想得到獎鼓勵，只是迫不得已才缺席，故新城會提早頒兩個獎給祖兒：「希望歌手能夠支持香港樂壇嘅頒獎禮，對成個不景氣嘅唱片業市場會有幫助。」

於《勁歌》11度封后的祖兒與粉絲興奮慶祝。

軒仔冧莊「最受歡迎男歌星」即風騷滿場飛。

另一邊廂，張敬軒否認揮低周柏豪冧莊「最受歡迎男歌星」，令對方缺席《勁歌》，他表示每個頒獎禮都有其評審機制，歌手中最欣賞許志安：「呢幾年頒獎禮見佢好自在、好輕鬆，完全冇我呢代人包袱，畀獎就開心，佢唔會覺得同我企埋一齊係格格不入，有冇獎只要喺香港都去，值得學習，歌手長青有道理！」