吳業坤入行五年，遇上的奇人奇事特別多，想了解他更多，以下七件事，大家不可不知！

第一事「扮棋」

第二事「冧唔掂周秀娜」

第七事「眼鏡蒸魚」

第一事「扮棋」：

去年台慶其中一個環節玩棋盤遊戲，吳業坤被眼利網民發現他是其中一隻人肉棋子，全程只識郁，冇任何對白，不少網民都戥他可憐！

第二事「冧唔掂周秀娜」：

吳業坤參加《超級巨聲2》憑一句「多謝周秀娜」而有得拖對方手仔，凸顯其周秀娜粉絲的身份，前年拍旅遊節目更與女神對足七日，他笑言只有一日被女神選中：「我輸晒，玩親遊戲節目都輸，可能我度嘅行程唔啱佢！」

第三事「被細細粒孭起」：

吳業坤與「細細粒」陳嘉佳在劇集《My盛Lady》有段扣人心弦的戀情，其中一幕細細粒孭起吳業坤，被網民笑他掉唔番轉頭孭細細粒，睇身形就知，你懂的！

第四事「谷肌照」：

今年端午節，吳業坤在Facebook上載脫去上衣晒六舊腹肌的照片，並問大家：「陳國峰嘅肉體加上我嘅才華，玉樹臨風仲唔係無敵？」原來是自我P圖，玉唔玉樹，真係見仁見智！

第五事「海南雞飯」：

吳業坤於今年7月發牢騷上載一張食店招牌相，並留下百字文指到旺角一食肆點海南雞髀飯，食到一半時有侍應對他說：「碟飯唔係髀嚟o架喎，X你老X，唔係就咪攞啦！」佛都有火的吳業坤直言「好嬲」：「我嚟食飯唔係要畀你侮辱嘅。」

第六事「食好西」：

今年八月，吳業坤在社交網上載生蠔照，竟寫道：「今天工作累了，要吃好西！」隨即被網民Cap圖兼瘋傳指他寫漏了「東」字，更指「吃好西」有更深層意思！

第七事「眼鏡蒸魚」：

最新一事即第七事，莫過於吳業坤前晚勇奪「最受歡迎新人（金獎）」時，一路唱一路喊，更喊到連招牌眼鏡都起「蒸氣」，被網民取笑似在蒸魚。