無綫小花李佳芯（Ali）昨日出席活動時與小朋友合作布置聖誕樹，她透露今個聖誕冇節目：「要開廠拍劇，做冬嗰日都要開工。（冇得做節？）聽講話會盡量就，我諗聖誕嗰日會成班演員揸車出外邊食餐好當慶祝。（聖誕開工唔使煩同邊個男仔去街？）有男仔約就好呀，所以依家要開工幾好呀！」她又大呻早前與《學是學非》的「是非精」梁嘉琪、麥美恩（Mayanne）及張秀文（Sammi）到德國拍旅遊特輯，令她冇艷遇：「同佢哋三個一齊邊會有？想要玲瓏浮凸嘅會鍾意Sammi，喜歡女人味嘅會揀嘉琪，鍾意活潑好動就搵Mayanne！」

Ali指冬至與聖誕都要工作，未能與家人好友共度。