曾志偉昨日以代言人身份出席慕思床褥品牌活動，提到梅艷芳遺物再遭拍賣一事，身兼阿梅好友及前演協會長的他表示，演協日前已開會，與有關單位進行善意對話，由於事態嚴重，故不便多談，但有信心能完善結束事件，問到可有聯絡梅媽？他說：「所有人都見過晒，大家都係為阿梅出發。」

志偉已跟進好友阿梅遺物再遭拍賣一事。

志偉即場大試床褥，又與品牌老闆有講有笑。

新秀金獎叫價8萬

有關阿梅遺物拍賣將於明日完結，早前一直備受關注的新秀金獎，截至昨晚八時已由底價一千元投標至八萬元，而備受爭議的阿梅內衣則由底價一百元升至一千四百元。另外，對於無綫節目《東張西望》革新，志偉稱只愛聽好新聞，又指對陳志雲事件終於完結感高興，雙方亦曾通電，稍後會約食飯。提到《東張》革新由無綫高層余詠珊擔大旗，安排前有線主播加入，他說：「梗有人擔旗嘅，愛將就手嘛！」

重溫節目「了解吓」

而對於好友陳百祥（阿叻）於電台節目的言論惹來抨擊，志偉聽罷邊抓頭邊笑說：「個節目幾點？我睇吓佢係咪飲咗酒，錄影？咁發現佢唔對路可以剪走佢。（叫佢慎言？）了解吓先。（重溫節目？）會，要剪輯嚟睇。」另一邊廂，對於阿叻在節目上表示「個國家唔係你」，黃秋生笑言要封對方為偶像，覺得他「好鬼頂癮」，他昨日在電話中說：「嗰兩個主持整鬼佢，令佢講到亂晒大龍，進退失據，佢都算牙擦，但今次老貓燒鬚！（印象中阿叻有咩叻？）最叻咪台慶含啖水噴黎耀祥，噴到人一面都係，佢幾廿年都係咁，角色好統一！」而阿叻至截稿前未有回應。