女星吳千語與「美心妹妹」楊鎧凝（Celine）昨日一同出席遊戲活動，席間千語大爆男友林峯是「機王」：「佢成日畀人影到拎住個電話，話Send Message畀我，其實佢係打緊機。」問到是否認同台上司儀稱讚林峯玉樹臨風時，她說：「我覺得內涵緊要啲。（佢有冇內涵？）嗯！唔想講，好肉麻！不過佢個人好有耐性，對朋友同埋家人都係好好。（咁對女朋友呢？）一個字『好』！」

千語大爆男友林峯愛打機，又大讚他有內涵。

Cosplay登場的Celine表示聖誕已有節目，更會出埠度節。

另外，千語透露男友聖誕要工作，故她會相約朋友慶祝。記者笑指兩人是老夫老妻，問到何時結婚？她說：「未諗到，太遠！」至於Celine則透露聖誕與家人到日本大阪旅行。