名媛諸葛紫岐前晚率旗下藝人呂晶晶、黎美言、莊端兒及黃倩婷到Neway包房唱K，提早開聖誕P，身為老闆娘的諸葛訂製了寫着「美女軍團」及「野戰隊」的蛋糕大搞氣氛，眾人大唱特唱之際卻嚇走諸葛的兒子，她笑說：「諗住帶囝囝去見識吓，但去到門口，佢一開門聽到啲音樂好大聲就嚇親，冇入到去，喺門口玩咗陣就走。其實屋企有個私人卡拉OK係佢，佢都鍾意唱歌同跳舞。」

莊端兒（左起）、呂晶晶、諸葛、黃倩婷及黎美言提早慶祝聖誕，於K房狂歡。

此外，最開心環節莫過於是大抽獎，禮物超過五位數字，眾人都盡興而歸！諸葛表示近日不約而同有新加坡、香港和北京三地的粉絲要求索取其公司年曆，故決定加印千張。