「宇宙最強」甄子丹與譚耀文昨日出席電影《葉問3》謝票，子丹表示電影口碑佳，但會否開拍第4集則要視乎觀眾的反應，並對新片的4D版大感興趣：「我吐口水係咪真係有口水吐落塊面？」文：影視組

首次在港謝票的子丹表示應來多謝觀眾，呼籲大家入戲院睇。

近年甚少在港露面的譚耀文，大擺甫士谷戲。

甄子丹與譚耀文跟影迷「零距離」接觸，打成一片。

昨日「宇宙最強」甄子丹與譚耀文齊為賀歲電影《葉問3》謝票，期間跟影迷自拍並簽名，眾人一邊大合照一邊高呼：「我要打十個！」首次在港謝票的子丹忙於宣傳《葉》片，他透露聖誕將回港一日與家人度過，譚耀文則建議他帶子女欣賞4D版《葉》片，子丹笑言都想睇：「我吐口水係咪真係有口水吐落塊面？老闆黃百鳴話好堅，呢個係第一部4D嘅功夫片。」

五年唔怕等

問到電影是否開拍第四集？子丹說：「講吓啫！（唔係一路拍落去？）睇吓點，好多嘢冇得急，電影講Teamwork，有時可能劇本未寫好或導演未諗到方向，當大家覺得係時候就應該要拍。（唔怕再等五年？）如果真係都要等，觀眾最緊要，觀眾想睇先拍。」

力薦「中西兩餐」

問到《星球大戰─原力覺醒》同期上映，對《葉》片票房有否信心？有份參演《星球大戰》（Star Wars）外傳《Star Wars：Rogue One》的子丹說：「《葉》片有一定擁躉，相信有一定感情，試映、首映口碑非常好，大家一致都讚，加上《Star Wars》我都有份參演下一部，對我嚟講最好兩邊都好，觀眾都應該有得揀，中、西兩餐都可以食。」