張美妮本想到外地旅遊，與老公過浪漫聖誕，惟「度期」失敗要留港過節：「今個聖誕當然同老公過啦！另外一定會留一日同屋企人過！細個時Daddy已經開西餐廳，會成家人食聖誕大餐，之後一齊出尖沙咀睇燈飾，到依家我哋都風雨不改，雖然好逼，但嗰種熱鬧氣氛令人好開心！」

張美妮喜歡與家人享受聖誕大餐。

場地：美國餐廳

問到送禮心得，她笑言婚後要多花心機氹老公：「結咗婚覺得身為太太責任大咗，會着重點令老公開心，付出更多畀多啲溫暖老公，想令佢返到嚟屋企覺得好Warm，佢覺得Warm就自然更加愛我呢個老婆！屋企都會好花心思布置，因為覺得係屬於我哋兩個人嘅地方，今年都買咗好大嘅聖誕樹掛滿燈飾，通常佢臨返屋企我哋都會通電話，我知佢就返到，就會熄晒燈又播聖誕歌，等佢一開門好Surprise！」