天后陳慧琳（Kelly）前晚紅館演唱會第二場，穿上Deep V裝的她由於舞姿太勁，露出性感肉色「Bra」，問到露Bra一事，Kelly竟說：「爸爸？係呀！我爸爸晚晚都有嚟支持我！」當知道是Bra而不是爸後，Kelly即驚問：「吓？走咗位？咁冇走光呀？」問會否索性不戴Bra只貼乳貼？Kelly說：「唔得唔得！裏面空蕩蕩咁好冇安全感！」而頭場任表演嘉賓的張家輝冧莊獻唱，首場曾笑指怕Kelly冷親肚臍要她塗白花油的家輝，這晚卻說：「都係唔喇！驚啲油經過小腸氣打番上個胃，影響氣管。」令Kelly哭笑不得。提到首晚演唱忘詞，家輝指有致電好友張學友：「佢話唔使有包袱，唔記得歌詞咪重新再嚟，最緊要Enjoy！」

勁歌熱舞的陳慧琳舞姿大到「走Bra」，但竟錯聽成「爸爸」。

陳慧琳繼續做喊包，更一度邊喊邊唱。

張家輝冧莊做嘉賓，又攞陳慧琳露臍裝開玩笑。