全球首創由3個四方大型框架組成的機動遊戲「陀飛輪」，即將空降前啟德機場跑道首度在《東華慈善嘉年華》登場。吳千語、劉心悠和蘇麗珊等向「陀飛輪」宣戰，掹眉、畫畫等挑戰極限。

千語笑男友細膽，故不會找他陪玩「陀飛輪」。

陀飛輪

首度登陸香港的極化版機動遊戲「陀飛輪」，是讓玩家身處於扭計骰形狀的機動遊戲，環迴立體式旋轉對抗地心引力，圈中「BB」已被深深吸引，並蠢蠢欲動接受挑戰。膽識過人的吳千語想登上這個超級「陀飛輪」：「對我冇難度，我會挑戰喺上面『掹眉毛』！但錯手嘅話會掹到冇咗一邊眉。」至於會選哪位藝人一齊玩？千語即爆男友林峯細膽：「另一半都幾細膽，唔夠膽玩機動遊戲，會約Angelababy，佢應該幾大膽。」提到林峯上周二（8號）生辰，她表示送了一對數千元的拖鞋作禮物，並飛到英國陪他慶生。

捉柏豪壯膽

「心悠BB」雖自認細膽，但勇於登上這個「陀飛輪」，她笑說：「坐咗上去，我淨係想叫『啊』！」又笑言知道周柏豪玩過跳傘，所以會捉埋他一齊壯膽。而新一代「BB女神」蘇麗珊同樣膽量不小：「知道難得嚟到香港梗係要試，佢轉到洗衣機咁，好刺激！」問到會否捉男友游學修上「陀飛輪」？她竟揀黃修平導演陪玩：「好似未見過佢驚、尖叫、頭髮亂晒嘅樣！」

而梁雨恩打算坐上「陀飛輪」寫生：「睇吓畫到出嚟會係點，應該同陀飛輪一樣，轉到癲咗！如果畫人像就慘，想像唔到畫出嚟會係點樣，應該唔會同我做朋友。」大家若有更多瘋狂想法想在「陀飛輪」上挑戰膽量，又想率先免費試玩，可登上《東華慈善嘉年華》Facebook專頁，在留言位置回答問題及Tag兩位好友，答案最有創意的參加者將可能成為挑戰這個遊戲的人！

文：音樂組