出爐視后胡定欣為無綫新劇拜神，憑《鬼同你OT》封后的她透露拍攝時有過失意時候，要多謝歐陽震華一番鼓勵說話，令她重新振作。

Bobby指胡定欣會自動自覺請食飯，不用他開聲。

《一屋老友記》演員出席拜神儀式。

呂慧儀與Bobby開工最大挑戰是難忍笑。

無綫劇《一屋老友記》演員胡定欣、歐陽震華（Bobby）和呂慧儀等為新劇拜神。出爐視后定欣被問到興奮心情是否已平復？她說：「OK，收到好多祝福，尋日不停覆電話，攞獎後重溫番攞獎片段睇番自己個傻樣，自己都睇到眼濕濕！朝早六點瞓，九點已經開工。（男友？）佢都戥我開心，好感動！（男友有咩表示？）冇，原本慶功我請食飯，後來佢去咗埋單。（下一步係咪結婚？）冇打算，攞完獎更加要努力拍劇，唔係唔應該結婚咩？公司畀咗好多機會，都要努力做嘢。（羅家英為汪明荃失視后感不值？）我相信阿姐冇唔開心，阿姐一向好提攜後輩，我諗係家英哥好Sweet咁氹阿姐開心啫！」

汪明荃失獎心情好

定欣又自爆與Bobby的小故事：「嗰陣拍緊《鬼同你OT》，有晚有啲唔如意，撞到Bobby佢鼓勵我話睇好我，叫我畀心機，話呢一兩年係我，佢真係好Lucky！」她表示隨後要接連請朋友食飯慶祝，認為是福氣。此外，汪明荃似乎未因失落視后影響心情，在網上晒自拍照：「天氣好，心情好，現在去探訪長者朋友。」

Bobby看到定欣與韋家雄分奪視后及最佳男配角，開心到跳起！他讚韋家雄是非常好的演員，可用十個「非常好」來形容，私下默默耕耘，他得獎不會有一個人有微言；而他看着定欣一步一步進步。Bobby笑言要邀功，與他合作的演員都有好的將來，不是攞獎便是嫁得好。談及羅家英為汪明荃失視后不值，他說：「投票難講，大家有唔同Fans。」最近生病的呂慧儀指與Bobby開工最大挑戰是難忍笑：「Bobby同滕麗名加埋好搞笑，佢哋賭我要NG幾多次，佢笑我唔要再叫長腳蟹，要叫做焗蟹或者蟹膏，自己最多NG 5次，拍得好開心！」

文、攝：影視組