古天樂恨私藏星戰BB-8

古天樂昨日亮相電影《星球大戰：原力覺醒》慈善首映，身為「星戰迷」的他興奮地與「白兵」及「黑武士」格劍！問到熱愛收藏玩具，現時尚有甚麼收藏目標？他笑說：「我想要（機械人）BB-8，仲想收藏戰機，不過一比一真係擺唔落！」問到可有打算添置倉庫，用作擺放一比一的珍藏品？他自爆曾有意購入仿真飛機的戰機：「以前想買一比一嘅X-Wing戰機，佢有埋引擎，要當真飛機咁買，加上要幾十萬美金，冇可能買。」再問到可有興趣參演《星戰》系列電影？他即笑稱有幸為電影拍宣傳短片及出席首映已很高興。