劉心悠、周柏豪（圖右）及林德信（Alex）到柴灣拍攝《我老婆係明星》電影海報，心悠以柯德莉夏萍《珠光寶氣》Look現身，柏豪則《來自星星的你》都敏俊上身。心悠透露戲中並非全以靚樣示人：「套戲講我做咗明星之後會靚。」來自台灣的她對金馬影帝柯俊雄病逝表示可惜：「我唔識佢，未合作過，但以前喺台灣睇電影、電視見過佢，大哥形象好深刻。」

而飾演記者的柏豪說：「我做追蹤採訪，會扮都教授、朗拿甸奴同Rock友。（同心悠好多親熱戲？）Alex有得錫心悠，我只得求婚戲！」此外，問Alex有否約情海翻波的日模女友松岡李那賀聖誕時，他說：「好耐冇見，佢喺日本。」