王浩信憑台慶劇《東坡家事》角逐《萬千星輝頒獎典禮2015》「最佳男配角」，恨攞獎的他明言充滿信心：「攞獎真係對演員好大肯定，呢個肯定係需要嘅！好多時演戲對我哋嚟講未必有清晰準則，獎項係會縮窄自己尋覓嘅方向。」

王浩信充滿信心，「男配」實食冇黐牙！

另一套台慶劇《梟雄》大熱人選韋家雄，很開心再度入圍，他表示最想多謝黃秋生：「得到好多人嘅讚賞，感覺已經好似攞咗獎咁，以後會繼續做好每一個角色，作為對觀眾嘅交代！攞唔攞獎唔太重要，一切平常心看待。」至於《張保仔》的陳山聰視《鬼同你OT》的敖嘉年為最大對手，他笑說：「佢平時做開正氣角色，喺《鬼》劇做衰格角色又做得幾好。」憑《華麗轉身》入圍男配角的王梓軒卻明言沒甚期望：「都知依家嘅能力同成績都只係『掹車邊』入圍。」

場地：香港九龍東皇冠假日酒店