民選視帝、視后共40人，他們落力向《東網》網民拉票，當中兩公婆齊齊出動的陳豪和陳茵媺最為落力，陳豪憑《鬼同你OT》角逐視帝，拉票片精彩到要為網民沖咖啡：「如果我能夠成為你哋嘅『最佳男主角』，就沖咖啡畀你哋飲，仲喺你面前沖添！」茵媺力撐老公：「唔使講大家都知我投邊個！希望大家支持佢！」

陳豪與陳茵媺夫妻檔谷票，仲話要沖咖啡「行賄」！

馬國明話贏咗就請食飯，係咪真先？

而《東坡家事》的萬綺雯笑稱若贏得「民選視后」，會叫歐陽震華穿三點式謝票。《四個女仔三個BAR》的姚子羚則笑稱為劇集犧牲色相：「同黃智賢有激情床上戲，我要赤裸上身、淨係着T-back拍，好難忘！」至於《梟雄》的馬國明揚言若贏得「民選視帝」，會請網民食飯：「拍劇時成日同演員一齊食飯、睇戲，好似一家人咁，所以你哋選我，我就請食飯！」