天后陳慧琳（Kelly）近日忙於為即將舉行的《let's celebrate！世界巡迴演唱會》綵排，昨日她在Facebook上載跟排舞師Sunny Wong練舞的片段，舞步是Sunny要從後托高Kelly，一開始由舞蹈員示範，期間女舞蹈員不小心揩到Sunny下體，在旁的Kelly「食花生」說：「係我就已經（踢）應咗！」之後到Kelly埋位，不為意的她果真使出「撩陰腿」，被踢到應的Sunny即掩住下體大叫，更痛到彈吓彈吓！「兇手」Kelly一臉尷尬：「Sunny喊呀！好慘呀Sunny！」十分抵死！

排舞師Sunny從後托高Kelly，想不到卻硬食伊人的「撩陰腿」，令他痛到大叫！

昨日Sunny透過電話回應，坦言這是「男人之痛」：「嗰下都幾痛！維持咗5分鐘，不過係小事，休息一陣冇事，我唔會嬲Kelly，佢冇心。我哋練咗幾個月，都畀佢揩過好多次，但咁應就係第一次。」