金剛女友蕊蕊早前曾揚言願為金剛擋子彈，她表示金剛昨日凌晨平安回家後，兩口子並沒有慶祝：「都咁夜啦！咁夜食嘢好肥！（唔接佢機？）太遠吖嘛！佢都有朋友接佢。（唔擔心佢？）咁佢之前都交代咗，知道佢冇事啦嘛！（陪金剛多啲？）咁大家會食個飯輕鬆吓嘅。」
談到金剛力證情未變，仍同居兼「一齊瞓」，蕊蕊說：「係呀！不嬲都係。（金剛之後使唔使去台灣傾生意？）要呀！（會唔會要求佢多啲報告行蹤？）咁之前都係意外，唔需要成日報告啦！我相信佢。」
