邵美琪昨日偕黃德斌宣傳無綫新劇《刀下留人》，問到對收視有否信心？她說：「收視係一個數字，希望多啲人鍾意睇。（台慶劇後播蝕底？）套劇出街好開心，排喺乜時間都冇所謂。」26歲牛一的龔嘉欣則表示再獲「神秘人」送花，問到是否緋聞對象吳業坤所送？她稱視對方為細佬：「唔知，問吓佢先，知我地址嘅人唔多。（佢送有冇機會？）佢唔會做咁浪漫嘅嘢。」
龔嘉欣視緋聞對象吳業坤為細佬。
飾演劊子手的黃德斌即場揮刀，背後的邵美琪嚇到傻笑！
