樂基兒師妹姜美兒（Mia）擁有甜美笑容與34C魔鬼身材，早前她穿上性感內衣接受專訪，有意向電影界發展的她揚言不介意性感演出，並表示最恨與型男余文樂合作！

擁有豐滿上圍和長腿的Mia，舉手投足均流露自信。

笑容甜美Mia望找到誠實有趣的陽光型男友。

主力在模特兒界發展的樂基兒（Gaile）師妹Mia，目標是進軍大銀幕，她坦言不介意挑戰性感角色：「我覺得拍戲唔係真實，我需要好多唔同嘅拍戲經驗。（裸露都得？）裸露就未必接受，但依家難講，因為要睇好多因素，好似係邊類型嘅戲同咩角色等，所以我依家都唔知。」

獨愛陽光運動男

她希望做打女或擔任浪漫愛情片的女主角，最想與荷里活男星里奧勒度狄卡比奧（Leonardo DiCaprio）及香港型男余文樂合作，大讚兩人既演得又睇得。談到擇偶條件，單身的Mia否認是外貌協會成員：「我唔係要搵靚仔，我只要佢對我好，為人誠實、有趣，可以令到我笑就得，鍾意陽光運動型男仔。」她表示暫時要專注工作，但希望可在35歲前結婚。

慶幸有「大姐姐」幫

對於外界視她為Gaile的接班人，Mia自認十分幸運：「Gaile係一個好靚嘅Top Model，大家將我同佢一齊比較，我覺得好榮幸，但唔會有壓力，因為佢係我嘅大姐姐，佢好好人，為人好得意，喺各方面都畀好多貼士同建議我，真心幫咗我好多。」

服裝：Intimissimi

文：名人組