兩大索爆人妻楊千嬅、謝安琪（Kay）昨晚以低胸Look出席籌款節目，一向唱得的Kay罕有地大跳勁舞，整蛋糕籌款的千嬅說：「佗仔時有學，因為冇嘢做，起碼識得執生。」

千嬅

Deep V的千嬅既整糕籌款又大唱好歌。

行善不遺餘力的Kay罕有地載歌載舞。

「明荃之友會」捐出銀紙摺成「鯉躍龍門花盛放」拍賣。

汪明荃、陳百祥（阿叻）、楊千嬅、謝安琪（Kay）和古巨基等，昨晚亮相籌款節目《歡樂滿東華2015》，提到「明荃之友會」每年均捐出銀紙摺成的擺設，汪明荃表示今年也不例外，粉絲捐出拍賣品「鯉躍龍門花盛放」，總值13,800港元，並以底價38,000港元拍賣，她說：「最特別有部分以綠色10蚊紙製成，嗰啲係絕版銀紙。」

囝囝識整朱古力蛋糕

Deep V的千嬅自稱是「東華月捐大使」，並與四名小朋友現場炮製蛋糕籌款，她自言整蛋糕冇難度：「佗仔時有學，因為冇嘢做，起碼識得執生。」並指兒子Torres會整朱古力蛋糕，問到為何讓囝囝整蛋糕？千嬅說：「佢都大個喇！如果煮飯仔玩假嘅幾怪，我將所有嘢溝埋畀佢攪勻，玩真嘅始終Man啲。」入行十年甚少跳舞的Kay在節目中載歌載舞，問到是否表演熱舞？以Tube Top示人的她即大搞爛Gag：「跳完我會好熱囉！唔會好性感，會跳比較中性嘅舞。」問到預計項目籌得多少善款，她說：「知道有人贊助，已經有幾十萬嘅底。」至於由韋綺姍等負責的「靚聲王」獲得善長捐出100萬港元，黎耀祥、胡定欣與唐詩詠的「善心力推Wealthy Car」則籌得60萬港元，胡定欣表示近日有做運動，故也有些力量，不過三個女仔推車還是差一點，會否怪黎耀祥冇推？她稱祥仔負責綁住架車也很重要。

心穎殘爆出巡濕濕碎

另外，黃心穎昨晨出席拜神儀式，提到被《好報》拍得殘爆出巡，心穎笑說：「朝早起身收到好多Message，睇完覺得濕濕碎啦！更驚嘅都唔係嗰張，細個箍牙、戴眼鏡嗰啲仲驚。」

文：影視組