有「戲迷情人」之稱的粵劇名伶任劍輝逝世26周年，一班徒弟昨日細心打扮，包括花衫配蝴蝶結鞋的龍劍笙（阿刨）、梅雪詩（阿嗲）、拿潮牌BaoBao袋的陳寶珠和紅髮的謝雪心等，都到師傅任姐和白雪仙的跑馬地寓所「逸廬」上香致意。逗留約1小時的阿刨表示非常熱鬧：「好多人，幾十個。」問到有否請白雪仙欣賞她年底主演的《紫釵記》，她說：「有請呀！（佢有冇話去？）我唔可能講『你係咪去？』」又指現時正積極排練。談到致意內容，謝雪心表示有跪在靈前斟茶：「梗係要拜師傅啦！（咁多人會唔會打麻雀？）今日唔會喇，佢哋啲麻雀腳唔係我嗰啲嘛，哈哈！仙姐聽到會剁我。」而與陳寶珠一同離開的阿嗲則表示準備了鮮花：「好多人都嚟，任姐生前鍾意熱鬧，年年都係咁。」

阿刨到師傅任劍輝的故居致意，更表示場面非常熱鬧。

陳寶珠

梅雪詩